Wooloomooloo Prime - 靚景下的午餐

食物：$$$
環境：$$$$
服務：$$$$ 

或者大家已經認得，呢間景觀咁靚既餐廳，就係尖沙咀The One 21樓既Wooloomooloo Prime。

我成日覺得呢個澳洲飲食集團好平實，係平日簡單悠閒嘆個Lunch既好地方。

是日吃了餐廳週的三道菜午餐。作熱身的麵包相信是自家制，軟熟好吃。若不是要留肚食主菜，或者我會添一個。

忌廉磨菇湯據聞香濃好喝，我既班尼特蛋，荷蘭醬似乎少左啲。切開睇下，流得太誇張了， Eggs Benedict根本唔應該係咁。撇開呢點，味道正常，係菠菜唔太嫩口，總括而言，算唔上出色既班尼特蛋。

三文魚唔係煎，而係弄成像肉餅的樣子，配以牛油果茸。口感可以，但味道偏淡口，普普通通。

香煎紐西蘭牛柳蠻厚身的，我要左Medium Rare，但成品明顯過熟。好在係牛柳，質感總唔會太韌。反而肉香比預期中濃郁。旁邊既千層薯餅幾有層次，蕃茄清甜多汁唔怕酸。

甜品方面，芒果蛋糕可以，起碼香甜，果肉不會酸，收貨有餘。

我份芝士拼盤，有軟芝士、硬芝士和藍芝士，硬芝士比想像中重口味，個性唔比軟芝士弱，後者味道就意料之中。清一清味蕾之後，係時候打大佬，要食藍芝士。味道的確非常之剛烈，食完精神為之一振。

食完個藍芝士，悠悠然呷幾啖咖啡，優閒既午餐又差唔多要結束。

餐廳資料:
Wooloomooloo Prime
尖沙咀彌敦道100號The ONE 21樓
28700087