食物：$$$1/2
環境：$$$$
服務：$$$$
近兩個月大家對烏克蘭呢個國家既認識多左，當地人民素質好高，但到底呢個地方係食乜架呢?
我未去過烏克蘭，以我既認知，只有羅宋湯，同埋Vodka，所以今餐我都期待既。
門口除左個生招牌既人像之外，亦點滿停戰，支持烏克蘭等等既期許。
踏入餐廳，環境加上音樂，成個氛圍好有異國風情，係被迫滯留香港既日子，嚟食個午餐，就當自己去左一趟旅行吧！
先食個沙律熱身，椰菜絲、蘿蔔絲及紅黃椒絲等，清爽而沒有太多外來調味，如陳醋、胡麻醬等，盡量食番菜蔬既本味。
有兩款湯選擇，羅宋湯當然係必試項目，不如都叫埋南瓜湯，大家些牙。南瓜湯算杰身，好濃郁既南瓜氣息，其實唔差架。市面飲到既羅宋湯，大多是注入港式原素，偏燈色和酸辣，咁正宗烏克蘭既羅宋湯係點架呢?
偏紅既色水，好足料，飲落清甜，主要係來自紅菜頭既原味，而且係唔酸，同埋完全唔辣的。正宗既烏克蘭羅宋湯係用豬肉煮，俄羅斯既版本先係放牛肉。
主菜既燒豬筋骨，晚餐時會在席前加入伏特加再點火，讓視覺都可得到享受。不過午餐就省卻了這程序。豬筋骨係燒得夠香，但個別位置稍嫌未及鬆化，反而個蜜糖同豉油醬汁做到好，令成件事更上一層樓。
另一份主菜，招牌芝士焗牛脷。牛脷切粒，份量蠻多，入口嫩腍又保持一定咬口，有水準。原來仲係跟飯，芝士焗飯自然香噴噴，不過都有啲漏。
中午既我，沒有喝伏特加，以一杯清香既桂花蜜做總結，同樣舒心。
最後，希望烏克蘭人民可以盡快回復正常生活喇~
有特色的一餐。
回覆刪除好過去D 九唔搭八既Cafe
回覆刪除