食物：$$$$
環境：$$$$
服務：$$$$
作為半島的忠實粉絲，酒店內的大部份餐廳也光顧過多遍，其中最常吃的，要數到1樓的日本料理Imasa。
早兩年佢哋慶祝廿五週年而推出的套餐，至今我還在回味。
老豆終於出關，又有藉口食餐好既，費事再諗別的地方，一於Whatsapp經理Jack少留張枱。
奉來的第一道前菜，分別係南瓜豆腐，以及螢光魷魚。先吃豆腐，其南瓜氣息比預期中更濃郁，又幾好。螢光魷魚係時令之選，口感爽脆，配上點點酸汁，更能突出其鮮味。
第二道係刺身，由爽口的池魚開始，之後就到味濃的吞拿，牡丹蝦爽口鮮甜，北海道既帶子和海膽，水準自然無庸置疑，正到一個點。
老豆的炸豆腐微脆而嫩滑，上面那隻是炸過的螢光魷魚，與剛才的風味截然不同，但同樣好吃，爽口的青結合起來，產生了畫龍點睛之效。
食埋個夠熱又嫩滑足料既茶碗蒸，便可以食主菜。
先睇睇個鰻魚丼，份量充足，鰻魚好香口，沒有細骨，浦燒汁不過甜，很高水準。鰻魚飯唔止一個食法，注入高湯，來個茶漬飯，一次過滿足兩個願望。
兩件銀鱈魚超大件超厚身，睇色澤都知係好嘢。魚皮香，肉質細嫩又滿載脂香，還保留應有口感，撈飯食真心一流。
和牛賣相看似平凡，但入口鬆化，油香豐盛，愈嚼愈有牛香，不得了。
諗住出去先飲咖啡，所以無係呢度飲。
睇住盒鰻魚飯好似喺日本食嘅賣相，已經恨C隔離啦！
回覆刪除你地幾時可以飛呀
刪除鰻魚飯正呀喂。
回覆刪除堅正呀!
刪除