食物：$$$1/2
環境：$$$1/2
服務：$$$1/2
疫情話俾我哋知，好多我哋以為必然既東西，可以忽然間話無左就無左。有啲嘢無左可以捲土重來，不過一些老店，消失左就唔係咁容易翻身，而且無代替品，那種味道只能逗留在記憶之中。所以，趁仲有機會食，就幾歹食左先講。
九龍城既清真牛肉館，稱不上百年老店，不過都有超過七十年歷史。呢度既牛肉餅，唔使我多介紹，係真的會令人久唔久就想回來重溫一下。
店員奉來餐牌，其實又使乜睇，心目中早有想吃的東西。
差不多枱枱都叫牛肉餅，所以好快就會送到。依舊是面頭帶金黃的誘人色澤，咬一小口，湯汁超多，吃時要小心，否則搞到一身都係就狼狽不已。牛肉係睇得出既鬆軟，混入少許蔥花，好吃的，硬要挑剔的話，就是味道稍咸了一點。
坊間的小籠包多半是豬肉作餡料，但回教徙做小籠包，就要改用羊肉。羊肉小籠包，在香港真的很罕見。確是老店的賣相，皮偏厚，肉餡很大舊，不會爆汁的一種。吃起來幾有羊香，如果大家下次來到，不妨一試。
呢度既咖喱又係出名，比起牛腩，我更愛咖喱羊腩，今次要跟麵。帶骨的羊腩特別好食，鬆化易離骨，咖喱汁夠香而唔係死辣，反而啲薯仔應該可以再腍一點。
如果有機會經開九龍城，我都會再買件牛肉餅吃的。
呢間與我無缘！
回覆刪除食嫩雞煨麵
刪除