The Envoy - 輕怡下午茶

食物：$$$1/2
環境：$$$$
服務：$$$$ 

間中都會去嘆個Afternoon Tea。然而，三層架下午茶內容往往十分豐富，食完基本上夜晚可以唔使食飯。

一直想找些酒店級數，但份量比較輕怡的下午茶，最終發現了這裡。

即使是平日下午，亦有唔少客人坐在戶外地方飲嘢，不過外面煙味太濃，我還是乖乖坐係室內嘆茶吧！

十幾款咸甜美點之中揀六款，你可以要晒六件甜點，或者要晒咸食都得。另會跟上一件迷你鬆餅，與及茶啡。

可以睇到，每件的食物都係小巧，是真正的輕怡份量。唔逐件介紹喇，講幾款我認為值得講既先。

春卷脆得用叉叉落去會發出清脆咔嚓聲響，魔鬼蛋有點點茶香氣息，吞拿魚撻撻皮脆而餡料微辣醒胃，巴馬火腿及莎樂美三文治咸香，亦係最頂肚的一款，不過麻麻中意佢夾火箭菜和青瓜，總覺唔太合拍。

炸蝦被醬汁浸到腍晒，所謂既炸雞棒棒糖亦然，其實佢本身個汁醬味道係無問題，但咁樣就完全浪費左大好既東西，為何醬汁唔可以分開上?

甜品方面，最喜歡是馬來西亞風情的椰絲蛋白球，刨左少少柚子皮係面，畫龍點睛。酸酸甜甜既熱情果慕思蛋糕都岩我口胃。泡芙既味道比賣相出色。

Scone係迷你版本，一件原味一件提子乾，口感正常，但同柚子果占根本唔夾。

悠悠然呷一口馥郁既伯爵茶，係寫意既~

餐廳資料:
The Envoy
中環皇后大道中74號中環石板街酒店3樓
21693311