段純貞 X 日出茶太 - 六點前的晚餐

食物：$$$1/2
環境：$$$$
服務：$$$$ 

呢段時間，跟朋友聚會的次數自然大幅減少，這天反正要去帝京酒店攞年糕，不如在Moko跟大家吃個下午茶 (定係Early Dinner)?

選吃台灣麵，段純貞這品牌，其實在荃灣如心廣場也有分店，還日日大排長龍，旺角呢間新店據聞都旺場的，只是平日下午茶時段，才不用等位。

有人遲到，索性在同店的Chatime叫杯嘢飲慢慢等，荔枝紅茶加椰果，是我的選擇，蠻清爽的。跟台灣的飲品店一樣，可以揀甜度，迎合大家不同既口味。

老鍋湯底是Moko店獨有，餐牌中見到可配牛腱心，或者半筋半肉，然而我對這品牌的雞麵念念不忘，問及店員，可以要老鍋湯底雞麵。

是雞髀肉，自然嫩滑。粗身的手工麵理應更加掛湯，不過我從來較喜歡爽身的細麵。老鍋湯底的辣度未算強橫，純粹帶來絲絲風味。

下午五點鐘，索性食飽啲，當是晚餐，因而再柯打幾款小食，分甘同味。鹽酥雞鬆脆，唔會乾巴巴，我『安哥』了一件。

席上有朋友吃不到辣，所以放棄了紅油抄手，改要雞湯抄手。說是很正宗的抄手又說不上，但半蝦半豬肉的餡料，與滑溜的外皮，味道倒是可以。

最後要份鹵水拼盤，蛋是流心的，不過我沒試。金錢肚爽脆不韌，牛展厚身亦唔怕硬轟轟，豆腐當然是最索味，驚喜見到有鮮菌在陣。

轉眼間差不多六點大限，係時候散水。

餐廳資料:
段純貞   X   日出茶太
旺角太子道西193號MOKO新世紀廣場3樓360號舖
39973523