Mozy - 世事多變

食物：$$$1/2
環境：$$$$
服務：$$$$ 

二零二一年的最後一天，與自由工作者 (定係叫Slash?) 輝哥食左餐午餐，Update下大家近況。

以往與非食界的朋友吃飯，揀地方多半由我負責，但同輝哥食飯就好好，夾定日子，佢已經選了餐廳，訂埋枱，我乖乖準時出席就是了。

甫坐低，即刻了解下近況。

我：輝哥，近排學校課外活動回復正常，你教乒乓波和教飛標應該好番好多喇！

輝：乒乓波始終差啲，畢竟少左啲大型比賽，學界又由三組變成兩組...

不過飛標就唔錯，經過多番推廣，已令大家明白唔再係酒吧劈酒之類既活動，多了學校接受，有望再擴展出去，輝哥續說。

傾傾下，頭盤便送到。我揀的是湯，係南瓜忌廉湯，蠻不錯的，最重要是熱度足，尤其當日天氣還是涼涼地。沙律都是經過精心攏盤，頂頭還置上食用花，是誠意之作。

主菜輝哥食意粉，我就吃松露野菌意大利飯。軟綿綿的口感，面頭既溫泉蛋係亮點，將之破穿撈勻米飯，結合松露醬及菇菌既香氣，合格了吧。

飲住杯順喉的Latte，聽著對方未來的大計，其實幾替佢高興。

可惜一星期後，室內體育館又要再次關閉。

餐廳資料:
Mozy Cafe & Bar
銅鑼灣蘭芳道11號地舖
28200111