一喜在白蘭樹下Happy Hour

食物：$$$1/2
環境：$$$$
服務：$$$1/2 

去酒吧，唔一定要夜晚既，家陣晚上六點咩都無，大家要習慣下新常態，三點半來個早鳥歡樂時光，同樣可以盡興 (大前題當然係要有餐廳牌之地方喇，否則全時段都要關門大吉)。

中環街市地下，有好幾家酒吧餐廳，與及食店。晚飯聚無望，唯有與朋友HH。

幾間酒吧都好吸引，不過大家對白蘭樹下情有獨鐘，或者是太有名氣了吧，我就無乜所謂，二仔底死跟。

是的，這個品牌是Gin的代表，所以大家揀了三款不同的氈酒，包括強度不算濃烈的豬肉榮，看上去很健康的菠菜蓮，以及扮晒廿四味的涼茶佬。

個人認為最有特色的，是後者。以雞公碗盛著之『涼茶』，正好給谷住度氣既大家下下火。

無理由齋飲酒咁寡，要個芝士拼盤來配酒就岩晒。硬芝士與酒根本就是良伴，還有我一向喜歡的Brie，是真正的歡樂時光。

意猶未盡，決定走在場內兜個圈，再來點什麼小吃。結果在一喜取來了炸豆腐、黃金魚皮、孜然牛舌，以及蝦多士，全部都係熱氣嘢，豁出去了。

豆腐外脆內嫩，牛舌屬偏軟腍的口感，魚皮咬落脆得發出咔嚓聲響，還有咸香的咸蛋黃，愈邪惡愈美味。

鬆脆的蝦多士，是上酒家吃晚餐常點的項目，能在HH遇上，感恩。

六點前食飽飽，又解決了一夜無堂食之煩惱。

餐廳資料：
白蘭樹下
中環皇后大道中93號中環街市地下G15A號舖
一喜
中環皇后大道中93號中環街市地下G11號舖