嫲嫲雲吞雞 - 快餐級數

食物：$$$
環境：$$$
服務：$$$$ 

非常忙碌的一天。

只想找個地方求其填飽肚子，見到有間嫲嫲雲吞X，不理三七廿一，推門進去。

眼大睇過龍，一心以為是雲吞麵店，但怎樣餐牌上全是酸辣湯麵、排骨擔擔麵、燻魚擔擔麵等上海麵類呢?

再睇清楚，謎底解開了，原來係嫲嫲雲吞雞，那就合理得多。

柯打個午市套餐，排骨擔擔麵，連飲品六十蚊有找，在老尖算是很划算的了。

排骨與擔擔麵分開上是基本，收呢個價錢份量也不會太大，我沒投訴。

排骨夠熱，不過有欠鬆化，同埋比較乾，填肚級數。

吃擔擔麵我最著重湯底，這碗是完全沒有辣勁，但就帶點麻醬香，同埋味道偏酸，不是難吃，但若三者平衡得好些，我會更喜歡。

跟餐送飲品，可以揀罐裝汽水，或者豆漿，我就要左杯熱豆漿，一如預期的欠缺豆香，家陣都好難搵到合心水的豆漿了。

食飽飽，安心上路去。

餐廳資料:
嫲嫲雲吞雞
尖沙咀漆咸道南61-65號首都廣場地下5號舖
23113800