叁茶陸飯 - 維持原判

食物：$$$
環境：$$$$
服務：$$$$ 

叁茶陸飯新開張無耐，我來過一次，吃得不太滿意。然而我明白剛開業未上軌道，是需要時間調整，所以今天我再俾多次機會佢。

上次食夜晚，今云就來吃中午飯。

午市有套餐，價錢幾十蚊，包前菜及飲品，尚算合理，畢竟在荃灣好難收得起價。

前菜俾夠三小碟你，天天不同款式，平時是花生友既筆者，是日最受落卻是醒胃的木耳，作開胃菜恰好。

嘉義雞肉飯是新品，可是未合我心，雞肉嚡口之餘，最大鑊係杰撻撻既芡汁，睇見都倒胃口，送半隻蛋給我是挽回不了分數。相比之下，早幾日我在藝人龍小菌有份的奔之食堂的出品，贏九條街。

鳳梨黑醋骨就正常得多，至少咬落唔怕硬轟轟，味道酸甜夠開胃，很好下飯，連菠蘿也吃得一粒不剩。

跟餐有兩款茶飲是免費，其他飲品補差價即可。要左杯免費的南投炭燒烏龍茶，天氣轉涼時喝口熱茶，是舒服的。

結論是：維持原判。

餐廳資料:
叁茶陸飯
荃灣青山公路388號中染大廈1樓117號舖
23501638