2021年9月22日 星期三

龍皇 - 做節的家常便飯



食物:$$$1/2
環境:$$$1/2
服務:$$$1/2 

我一直覺得,傳統的中式酒樓,已經不合時宜,遲早會被淘汰。

環顧幾個粵式酒樓的大品牌,即使已成功上市,間間都係虧損。就算係食物水準相對較高既龍皇,幟哥都要盡賣股份,全身而退。

講開龍皇,我是甚少幫襯,反而同系的高檔品牌,位處ICC 101樓的龍壐,曾經是我的半個飯堂。

今個中秋,屋企人做節,為遷就小朋友,就來到了官塘的龍皇,分兩枱慶中秋,印象中我是首次來這店。

老媽子負責點菜,先來的是叉燒。沒有用上矜貴的西班牙或匈牙利的黑毛豬,色澤賣相亦很平實,但入口鬆化,可以接受。

雲耳蒸雞這東西,多數在茶餐廳會吃,估唔到老媽子會點上。當然,呢度水準高一截,至少雞髀肉件件嫩滑且入味,個人喜歡夾埋雲耳及蔥花一起放入口,家常菜色過年已很足夠,唔使下下食到東星鮑翅。

豉汁帶子蒸豆腐,又是能在家裡輕易辦到的菜色。帶子打橫切開一半,鋪在豆腐之上,都是正常不過又省成本的做法。帶子當然唔係咩北海道刺身貨,蒸得唔會過老已經合格,伴上惹味的豆豉,簡單美味。

對於啡啡黑黑,甜甜酸酸,醒胃但外表平凡的鎮江骨,我是情有獨鍾。

個人一向喜歡勝瓜既口感,爽脆多汁,以金銀蒜鋪面,更香口惹味。

家家做節的日子,酒樓肯定爆場,分兩輪是必然。

識做,準時還枱~


餐廳資料:
龍皇酒家
觀塘開源道64號源成中心2樓
29550668


4 則留言: