2021年5月3日 星期一

Urban Roasted Resort - 好hea的地方



食物:$$$
環境:$$$1/2
服務:$$$$ 

是日下午在太子開工,我深信,要食飽才有力做嘢既大道理。

係附近要搵間Cafe,易如反掌,單是一條大南街,已有數之不盡的咖啡室任君選擇,梗有一間係左近。

惠顧的Urban Roasted Resort,門口既吊椅毫無疑問是打卡位,某程度上,筆者也是被這東西吸引進來的,我認我係好膚淺。

店子樓高兩層,在櫃枱柯打完食物,便在樓上找個位置坐低,轉頭店員會送餐過來。

其實呢度,唔止係一家Cafe,仲係一個給年青人發夢的本地創意市集,還有二手書買賣,好多元化。

點左客松露帶子蒜香檻欖油炒意粉,相信是沒有聘專業廚子,店主 (?)炒的意粉,雖有蒜香及辣勁,但跟我炒出來的水準沒兩樣。不過,兩粒帶子是靚貨,亦沒有弄得過熟,塗上點點松露醬,有得加分。

一杯 Flat White,拉花稱不上美,但偏Nutty味的咖啡豆,對我而言比較容易接受,至少比果酸味的要合心。

是個可以讓人Hea足一整天的地方,眼見鄰桌的小妹妹就係度溫書做功課,總比去自修室好。

可惜時間緊迫,我想柯打件蛋糕也來不及。


餐廳資料:
Urban Roasted Resort
太子大南街98號地舖
31755142



2 則留言: