海福樓 - 歡樂今宵

食物：$$$$
環境：$$$1/2
服務：$$$1/2 

晚市堂食重開，人人放監似的，想訂間有水準的餐廳晚飯，難過登天，好友慨嘆地說。

細心找尋，總會有些滄海遺珠，佳節晚餐，由我來選地方吧~

想食中菜? 酒店中菜廳以外，我還想到了位處九號水產，廚師班底實力雄厚的海福樓。

唔覺唔覺，竟然點了四味餸 (有一款係小食)，肯定又是飽到反艇。

小食的素鵝，包得緊緻，唔怕甩皮甩骨，可見師傅的基本功扎實。咬落外脆而口感豐富，唯味道稍嫌淡口，自行醮汁醬來調味就好。

這裡的脆皮雞一向出色，是必吃的項目，又來半隻。採用新鮮雞，肉質鮮嫩，雞皮脆卜卜，皮下沒脂肪，毫無疑問是呢一年吃過最有水準的出品，吃得一件不剩，甚至連旁邊的蝦片也全清掉。

好友不吃牛，但就喜歡海鮮及菜蔬，對彩椒蜜豆合桃炒帶子最感興趣。蜜豆與紅黃椒爽甜，合桃鬆化帶蜜味，主角之帶子也鮮味彈牙，好吃之餘，整體的顏色配搭與口感也很吸引，是花過心思的組合。

最後來個娃娃菜，呢一餐叫既餸其實都好健康。

飽到反白眼，不過吃甜又是另一個胃，問店員拿個甜品餐牌研究下。

都選了荔芋西米焗布甸，熱呼呼的出品，基底以芋泥代替蓮茸，香甜細滑，自然討我歡心，結果當然是大家都吃清光。

歡樂時間過得特別快，十點食肆又要拉閘講拜拜。

餐廳資料:
海福樓
紅磡黃埔天地百合苑商場(第9期) 地下九號水產6-7號舖
31690880