讚好台灣 - 她來自台中

食物：$$$
環境：$$$$
服務：$$$$ 

以往並不多在本地吃台灣菜，一來對這菜系算不上熱衷，二來台灣咁近，想食既話就飛一粒鐘過去。

有些年少輕狂的朋友，甚至逢Weekend就飛台一轉，食佢五七九餐，胡椒餅牛肉麵鴨肉飯麻辣火鍋樣樣齊。

呢一年，算罷啦，留港消費吧~

朋友忽然想食台灣嘢，就來了，據聞食物合格的。

好在早一步來，否則又要排隊等到天荒地老。

正宗鹵肉飯，我試了少許。除了肉碎外，還保留了一點豬肉丁，原本層次應該更豐富，可是肉丁卻稍韌，米飯亦有欠軟熟，令我不其然地懷念郭家肉燥飯。

平日多半會吃紅燒牛肉麵，不過是日胃口麻麻，來碗醒胃的茄湯牛筋腩麵便好。蕃茄湯頭味道天然，牛腩件頭大但入口鬆化，還有不少骨膠原豐宙的牛筋，蠻不錯，反而麵條於我而言是太過腍身。

珍珠奶茶，敗在珍珠之上，過份軟腍，口感欠奉。

我都係鍾意港式奶茶多啲~

餐廳資料:
讚好台灣
紅磡湖光街1-7號聯成大廈鴻運閣地下13及14號舖
31752931