四季菊 - 不一樣的開年飯

食物：$$$1/2
環境：$$$$
服務：$$$$ 

一場疫情，改變了很多人的生活習慣，包括年初二的開年飯。

始終是傳統人，多年來都是吃中菜開年，因為限聚令，三人行就要分枱坐，餸菜要傳來遞去總不是太好，所以今年棄中菜改吃日本料理。

雖則食日本嘢同樣要分開坐，但各自一份的定食，無咁麻煩。

吃西餐不行嗎? 無話唔得，不過日本菜，拿起筷子，感覺又傳統番些少。係有點阿Q的想法。

不諱言，孤漏寡聞的筆者是從沒見識過四季菊。對上一次到訪，仍是稻菊既年代，可想而知是多少年前的事。

費事傷腦筋，點份賀年套餐就好。率先送來的金牛獻歲，以和牛刺身為主角，配上蛋絲、蘿蔔絲、青瓜絲及蟹籽等等做成撈起，各式配料切得幼細，和牛刺身質素高，細嫩味鮮，只簡單醮少許日式胡麻醬，已開胃可口，但願吃過後能撈得風山水起。

接著是刺身項目，三款刺身分別係油甘、金槍魚，與及帶子。油甘肉質夠爽，金槍的味道相對濃郁，若論鮮美，北海道帶子肯定最優勝。

整個新年套餐之中，我最欣賞是天婦羅的項目，新鮮的材料披上薄薄的黃金外衣，賣相已夠誘人。目光魚肉質細嫩，論口感就要說海老及蝦膠，但其實爽口的舞茸菇，以及甜美的宮崎縣蕃薯也絕不遜色。

女大將軍做鐵板燒本已罕見，泰國籍的就更加是首次見識，未知功架如何?

火侯控制是到家的，厚燒肉眼鬆化，但安格斯牛始終不及和牛的脂香，唔明佢點解唔可以加錢轉食和牛。

套餐可揀烏冬或者蕎麥麵，冷熱都得，認識我的朋友大概會知道我的選擇吧！爽身的蕎麥麵，沾上冷麵汁，由舌尖滑下，好~

甜點也是具節日氣氛的白玉團子紅豆湯，寓意團團圓圓。不太甜的糖水，結合略帶煙韌的白玉團，倒是不錯的結尾。

分枱食，感覺始終差一點點。

但願，大家好快可以飛日本狂掃當地美食~

餐廳資料:
四季菊
尖沙咀麼地道69號帝苑酒店1樓
27332933