麵. 睦月 - 同聲同氣食碗麵

食物：$$$1/2
環境：$$$$
服務：$$$1/2 

愈是困難的環境，愈要支持值得支持的小店，呢句說話講到口臭。

今次身體力行去撐的店子，位處紅磡湖光街，叫Mutsuki。

短短一條湖光街，已有唔少特色小店，讚好台灣、清溪川韓國配菜、啊萊啊萊等，統統在我的To-eat-list之內。

說回這家Mutsuki，地方不大，但其裝飾與擺設很吸引，最重要是大家同聲同氣，坐底食碗麵也寧舍舒暢。

最想吃天婦羅瀑布濶麵，加十蚊可轉套餐，有齊麵豉湯、前菜，以及飲品，何樂而不為?

麵豉湯稍為淡口，三款前菜之中，漬蘿蔔和中華沙律皆是我喜愛的食物，夠晒醒胃，自然有分加。

天婦羅做得唔錯，鬆脆不硬，亦唔怕吃得滿口是油，兩隻海老爽口，秋葵這東西不是人人愛，我倒是可以接受。

濶麵跟深水埗的白布烏冬大同小異，煙韌的口感像餃子皮，只是白布烏冬是原塊上，呢度既濶麵稍為切細而已。置中的半隻溏心蛋，做到我既要求。

蜂蜜綠茶，過份地甜，連我也覺得太甜。

大家都要堅持住！

餐廳資料:
麵. 睦月
紅磡湖光街7號聯盛大廈地下10B1號舖
26332161