食物:$$$1/2
環境:$$$1/2
服務:$$$
最後一年的7788生日飯,日子定好,地點揀左,連位都訂埋,準備功夫做得七七八八。
突如其來的限聚令,使聚會無奈取消,一拖就是兩個多月,感恩不是無疾而終。
地點仍在之前大家商議好的旺場Cafe蟲二。由於店子太強人氣,訂十二時,一點廿分要交枱,所以大家坐定定後,急忙柯打嘢食。
先是兩款小食,海苔薯條及炸餃子,前者是雙色出品,混入了蕃薯條。成品稱不上香脆,好在仍夠熱。相比之下,我較喜歡個性強一點的蕃薯條。反而炸餃子,新鮮出爐,香脆熱燙,餡料是塞得滿滿的豬肉及雞軟骨,口感豐富,沾上沙律醬,我更欣賞。 另外是一汁三菜的便當,內容有漬物、溫泉蛋、主食、米飯及鰹魚高湯。溫泉蛋大概是慢煮做法,但蛋黃有點過熟。胃口不佳的,以鰹魚高湯來泡個茶漬飯,也是不錯的選擇。主食有五款選擇,既然車媽媽在陣,主食當然就是原條鰻魚。可是,鰻魚虛有其表,味道只得個咸字,有欠蒲燒汁應有的甜美,肉質亦未見彈牙,魚皮甚至有些韌,略為失色。
甜品就挑了伯爵茶傳統班戟,暗藏Mochi的班戟,其實也不甚傳統,但口感的確有趣。配上各式鮮果、牛乳雪糕及海鹽芝士忌廉,總算合格。
上菜速度唔快,不過還枱卻要很準時,快快趣飲完手中的拿鐵,要埋單交枱。
雖然趕急吃一餐,水準也不怎樣,但能在紛擾的日子相聚,已經很幸福,極需珍惜。
真係好趕喎,不過好似你咁講,難得唔係無疾而終。:)
回覆刪除可惜呢,估唔到條鰻魚味道和賣相不乎。
好又一餐, 唔好又一餐
刪除啋過你最後一年生日飯!只是未來要分開慶祝啫haha~
回覆刪除都係一句喇
刪除