Coti - 發掘咖啡新蒲點

食物：$$$1/2
環境：$$$1/2
服務：$$$1/2

屋企附近有乜好食，呢個問題我問過自己過百遍，天天想在那裡吃實在十分頭痛。

想飲咖啡，但南豐紗廠的咖啡室筆者已全部體驗過，忽然醒起旁邊辦公大樓地下的小Cafe，即管俾次機會佢。

十一點半左右，仍可以叫早餐，但本想吃的牛角酥售罄，唯有改要個雞扒蛋酵母包，加杯拿鐵。

拿鐵先到，柯打熱的，奉來卻是凍的，大概是我無講清楚，所以照單全收，幸好水準合乎預期，濃郁也夠奶。

吮幾啖咖啡，主食也準備就緒。麵包之上鋪著雞扒，蓋兩隻太陽蛋，灑少許香草係面，不是什麼高難道菜式，但賣相仍算吸引。

即叫即製的雞扒，做得香口，皮脆肉嫩。將蛋黃篤穿，任由蛋汁滲進麵包內，再每一口夾著雞扒，簡單美味。

雞扒蛋酵母包明明五十八個大洋，我仲加埋杯拿鐵，竟只收我五十三蚊?

係呀！做緊特價~

每日兩點後，所有咖啡都係廿蚊杯添呀！

餐廳資料:
Coti
荃灣沙咀道6號嘉達環球中心地舖
25540618