食物：$$$$
環境：$$$$
服務：$$$$
話說早前在慶記食小籠包後，路經由拉麵陳開設既白布烏冬專門店，驚覺呢位日本美食達人又有新搞作...
白布烏冬消聲匿跡??? 非也，只是搬了去深水埗而已。
至於呢間店，保留『金所』既名字，只是賣的東西有所不同。餐牌只得三項選擇，分別係炸池魚、大蝦，以及主打的拳之牡蠣。
定食可揀二或三隻牡蠣，細食如我，兩隻已經很足夠了。除了吉列蠔伴椰菜絲外，還有漬物、味噌湯和米飯。
味噌湯唔係一味死咸，至少不搶喉。驟眼睇，兩隻吉列蠔果真有如網球般巨大，色澤金黃，好吸引。我在想，到底係咩蠔身型可以如此龐大呢? 是美國蠔嗎?
大口咬下鬆脆的外層，謎底終於解開，原來是有幾款不同大小、品種的蠔在內，師傅話有日本有韓國亦有美國，眼見隻隻漲卜卜很飽滿，個別的身軀也真心大的。口感幾好，鮮味十足，而且香脆不油，水準之作。
吞下兩隻蠔，確是幾飽肚的，再吃點清爽的椰菜絲，以及醒胃既漬物來消消滯，捧著肚子離開。
原本打算的咖啡下場，為避免『獲利回吐』而取消。
由於店名沒改的關係，好些客仍不知道，進來要食白布烏冬。
成盤食物都好有“日本”feel，好想去呀！
回覆刪除搵間日本餐廳食左當去左啦
刪除食完兩隻蠔你應收工了haha~
回覆刪除收啦...超飽
刪除