花月庭 - 貓咪蹤影處處

食物：$$$1/2
環境：$$$1/2
服務：$$$$ 

疫情影響下，已有幾個月沒吃自助餐，破了筆者近年的紀錄。

說到底，並不是特別熱衷任飲任食，細食既我亦吃不了多少，只希望與朋友談笑風生。食蒲飛既日子，大概等同於與朋友相聚之時，斷估大家唔會單拖去食Buffet咁瀟灑吧!

又一次來到帝京酒店的花月庭，今期既主題甜品區，係Paul & Joe。

先出去兜個圈，格局與以往差不多，最受歡迎的海南雞、生蠔、凍海鮮及每人限取的焗龍蝦和鴨肝依然有供應。食友偏愛翡翠螺，我則寧願吃蟹腳及凍蝦。

排最長龍的，從來也是生蠔，今期供應的美國蠔，個子巨型，肉質爽脆，只是筆者已不再年青，頂盡三隻。十年前既話，可能吃一打才收手。

刺身與壽司，循例嚐兩件，甜美的白蝦壽司較合我心意。

日系既串燒與天婦羅、還有中西熱葷，如澳洲M5和牛肩、烤雞扒、印度咖喱、薑蔥蠔、龍蝦鉗及煎龍躉等，每樣試些少已很飽足，我係中式胃，對蠔煲、海南雞最感興趣。

牛肉湯與冬陰公，取締傳統的粉麵，我反而更想來一碗。生滾粥則是人人讚好之項目，配上大蝦、帶子及蠔肉，真不錯。

每人一份的芝士焗龍蝦，與及鵝肝多士，愈邪惡愈快樂，尤其是後者，甘香可口，好想 『安哥』。

週六才會見蹤影的，有鮑魚花膠鵝掌，同埋蒜茸粉絲蒸扇貝，我想講，鵝掌和入晒味既粉絲，才是我的目標。

甜品，處處是貓咪蹤影，既有貓咪腳印的蛋白餅，亦見可愛貓頭糖霜蛋糕等。另外，仲有藍莓芝士蛋糕、芒果拿破崙，以及綠茶薄餅等，大家記得留肚啦！

朋友話：你今晚食左好多嘢喎！

係呀！放監丫嘛~

餐廳資料:
花月庭
旺角太子道西193號帝京酒店2樓
26226154