Cosy - 溫馨小店的船河

食物：$$$$
環境：$$$$
服務：$$$$

老媽子有節目，我同老豆去搵食。

又唔使次次食貴嘢既，忽然想起，不如回去以前長大的地方蘇屋村睇下重建成點，順便係附近食個lunch?

找了間小店，叫Cosy。店子以白色為主調，簡約舒適。相信是一家人在經營，服務親切友善，我最喜歡這類溫馨小店。

瞄一瞄餐牌，午餐選擇十來款，港式碟頭飯以至泰式船麵，均有供應。當然，在屋村地區，價錢也是比較親民。

我要左碗泰式船河，材料是牛丸、牛肉及炸豬皮，還有些炸蒜鋪面。先呷啖湯，濃郁而不是強勁的味精氣息，唔錯。炸豬皮我估是現貨吧，至少保持脆口；牛丸肉味濃香，並不是一般貨色。對肥牛總不會抱太大期望，像這份入口不韌的出品，大可收貨。河粉嘛，其實亦夠滑。

老豆點的是蔥油豬扒飯，豬扒色澤幾靚，上枱時已切好一件件，方便進食。試了一小件，質感鬆化，老豆則大讚蔥油加埋炸蒜，很好下飯。

勢估唔到，凍奶茶茶味都夠濃，水準不俗。

下次再來，一定要試試佢既越南滴漏咖啡。

餐廳資料:

Cosy

長沙灣保安道383號麗寶花園地下9-11A號舖

56265438