食物：$$$1/2
環境：$$$1/2
服務：$$$$
有時食下午茶，醉翁之意不在酒，旨於找個地方跟朋友碰碰面吹吹水。
村姑朋友約食Tea，為免排隊排到天荒地老，排除了去新開業的人氣Cafessss. 上『開飯喇！』搜尋下，選來了地點方便大家的Coffee Talks。
唔肯定間咖啡店旺唔旺場，村姑朋友打左去問問，原來真係可以訂枱，留個位似乎穩陣啲~
又原來，是一所悄靜咖啡座，可以清清靜靜閒聊下，仲好！
來到咖啡店，竟然兩人都唔飲咖啡，認真『茂李』。朋友要壺水果茶，因為天氣太炎熱，我的目光停留在沙冰系列之中。
據聞水果茶幾清香，可能是加入了熱情果的關係，而且沒有過甜，對她口胃。
最終我揀選了百香果乳酪沙冰，賣相不錯的一杯特飲，既有熱情果的清新氣息，亦帶有乳酪之酸甜，乃解渴巨星。
來份炸雞粒來伴飲品，披上黃金外衣的雞粒，咬落香脆而內裡鬆化，個人認為本身已夠味，但醮上滿有墨西哥風情的辣醬，又是另一番風味，我想重口味的朋友會喜歡。旁邊的一些沙律菜，讓大家減低罪疚感而已。
傾下傾下，發覺時侯唔早，倒不如叫個Pizza食當晚餐?
有如餅乾的薄餅底，不正宗卻也不難吃，至少夠脆口。鋪上巴馬火腿及火箭菜，是相當保險的組合，縱使火腿的咸香有遜預期，也肯定不會難吃。
有得訂位的確係好，唔洗等餐C，又唔會失望去唔成。
回覆刪除最怕D人放飛機
刪除百香果乳醋定乳酪沙冰？
回覆刪除乳酪...已改番
刪除