食物：$$$1/2
環境：$$$$
服務：$$$$
全日禁堂食令實施的前一天，筆者獨自到荔枝角的圍威喂吃最後午餐。
早點來到，避開人潮，畢竟在這非常時期，人少些就安全些。
點餐後，四處張望，牆上呢句『If there was no tmr, how hard would you play』認真應景。
柯打的馬拉參巴醬撈麵，除了肉碎與蝦仁外，還鋪滿蔥花及蝦皮。將之起勢咁撈，蝦干的陣陣香氣寧舍誘人。
蝦仁算是大隻，質感爽，卻完全沒有味道，肉碎亦然，要靠微辣的參巴醬作彌補。反而煙韌的麵條，頗得我歡心。
是諗但泰式珍珠奶茶最有驚喜的，看色水已覺對辦，呷一口，正正是我想要的泰式茶香，而且味不太甜，珍珠腍得來帶點煙韌，不會像嚼橡膠般，雖然是貴一些，但既然係最後一次堂飲，豪一次也無妨。
十二點左右，開始有點客，大家都在說要來吃最後午餐... 我也快手埋單，唔好阻住地球轉。
希望店子捱得過呢關，唔好真係No Tomorrow喇~
BTW, 這間餐廳以打小人作主題，若然呢一刻俾你打，你的對象會是誰???
餐廳資料:
圍威喂
呢餐真係值得好好記録！
回覆刪除你話打邊個好呢！
回覆刪除