挑戰宮廷點心，驢打滾

話說之前屎忽痕買左包紅豆茸整豆沙鍋餅，咁當然用唔晒成包，要諗諗剩底嗰啲如何處置。

忽發奇想，不如試下挑戰驢打滾? 呢款宮廷點心從來係來既至愛。於是，的起心肝去一田買包黃豆粉回來。

材料：黃豆粉、糯米粉、紅豆茸

先把糯米粉加溫水，用手將佢搓成團，糯米粉與水既比例大概是2：1。

將已搓成團狀的糯米粉輕輕壓平，放左碟上拿去蒸十五分鐘 (可在碟上加點油，以免糯米粉黏著碟子)。

因我既紅豆茸已放了在雪櫃幾日，為免肚仔痛，我都將佢蒸一蒸，小心駛得萬年船呀！

白鑊把黃豆粉炒香，我大概用了小半包 (30G左右)，炒至轉金黃色便可。

炒香黃豆粉，灑上糯米粉的兩邊，然後用擀麵棍把糯米粉壓平。

把蒸好的豆沙平均地鋪上糯米粉之上，小心不要將糯米皮弄穿。

慢慢捲起，滾上黃豆粉，基本上已經完成。

吃時切開一件件即可。

小秘訣：

• 糯米粉蒸熟後會勁黏，要把黃豆粉醮滿兩邊，否則會黏得無辦法做任何動作

• 不愛紅豆的朋友，用紫薯取代一樣得