簡單做，溏心蛋

無可否認，溏心蛋是非常誘人的東西，放在任何食物之中，也有畫龍點睛的效果。

在家自製溏心蛋早已不是新鮮事，隨便在網上搜尋，五花八門的煮製秘方彈出，有蒸也有烚，甚至氣炸，總有一款合你心意。

筆者會用最傳統，或者叫最大路的方法來炮製...... 即係點?

    

始終都係建議用室溫蛋，一來容易控制溏心程度，二來若用雪櫃蛋煮，熱漲冷縮隻蛋會有機會裂。

如真的沒有溫室蛋，盡量拿出來放一陣，再沖水喉水。

煮滾水後，慢慢將室溫雞蛋放入煲內，(有些人會加鹽或者醋，以加快凝固速度) 其時向同一方向攪，此舉是保持蛋黃置中，切開時賣相更靚仔。

煮多久呢? 有人大火煮6分鐘，有的中火7分鐘，甚至3分鐘我都聽過。其實家家的爐頭火力及用既煲都唔同，好難一概而論。總之若你試過一次太生，下次就煮耐少少時間，Vice Versa啦~ 筆者就是中火六分半鐘，唔需要Challenge我。

夠鐘就撈起浸在凍水中，以便去殼。(我有隻裂開左，其實唔關事，未煮已經裂左)

剥殼後，我建議用線將雞蛋劏開，完美既溏心蛋便大功告成。

第一張相係日本蛋，呢張係泰國蛋，蛋黃顏色固然會有分別~

當然，你可以將溏心蛋浸鹵水汁、醉酒汁 (可參考車媽媽的醉酒汁做法！)，甚至煙燻，演變成不同風味的溏心蛋...