食物：$$$1/2
環境：$$$$
服務：$$$$
以往，喜歡到圓方的The
Grand Cinema看電影。入場前，例必在商場先吃點東西醫飽肚子。
戲院旁的The
Pantry，是其中一所我欣賞既餐廳，其梳乎厘班戟的水準，在香港數一數二。可惜，店子經已壽終正寢，連隔離的那間西餐廳，亦玉石俱焚，太令人沮喪。
一雞死，一雞鳴，取而代之的是Cafe
Deco Pizzeria。
三十多度的天氣，務必要些『生冷嘢』打開胃口，生牛肉他他是個好選擇。混入了蛋黃的牛肉他他，入口細滑，面頭還加入了黑松露醬，提升層次。夾著脆口的多士同吃，是我的吃法。
接下來有八爪魚，以現時流行的慢煮形式，煮好再焗。這個做法，八爪魚軟腍之餘，外層還帶微脆，薯仔及車厘茄，當然不是配角。
來到薄餅專門店，無理由唔食Pizza啦~
分別點上了煙吞拿魚腩，以及蝦肉配牛肉的自選薄餅，兩款均是薄身，邊邊位香脆。個人較喜歡前者，大概是加入了日本七味粉和蛋黃醬，令整件事來得更惹味。
作為不折不扣的食肉獸，看見西冷又雙眼發光。Medium
Rare的生熟程度，來得恰好。伴碟也不是薯菜那麼單調，除了有我喜愛的粗身露筍外，還有以芝士包裹著燴牛肉的炸薯丸，好味又有新鮮感。
Pasta款式肯肯定唔會少，是晚選的兩款，大蝦篇意粉是比較大路的貨色，豚面頰肉貝殼粉則更有新意。喜歡其保持一定咬口，撈埋蛋黃汁必然好吃。加之，豚面頰也相對少見，最重要是配埋炸脆的豬皮，盡收畫龍點睛之效。
又試試這兒的梳乎厘班戟，雖未算頂級，至少質感不太差，旁邊的雪糕是2/3
Dolci的出品，自會可口。
更矚目的，係集香甜紅嗓子，以及幼滑芝士於一身的The
best of both worlds，好睇又好食。
結尾有杯鮮奶咖啡，夠晒圓滿！
餐廳資料:
Cafe Deco Pizzeria
我對個生牛肉他他最有興趣。:)
回覆刪除其實最令人不捨係Grand Cinema，依家已經係百老匯～
回覆刪除估唔到個梳乎厘班戟都唔錯！
回覆刪除