Canton Pot - 又Farewell~

食物：$$$$

環境：$$$$

服務：$$$$

天下無不散之筵席。是晚一行十人，替好朋友Farewell。

最近兩次到訪，均是來打Farewell邊邊，希望下次再來，不會是這個原因吧～

難得咁人齊，瘋癲一點，開夠四個鍋底又如何？

      

要健康既有花團錦簇湯或，要消暑的有海皇冬瓜盅湯鍋，仲有清甜滋潤的萬壽無花果素湯鍋，以及矜貴既蕃茄波士頓龍蝦鍋。什麼配料拌那個湯底，悉隨尊便。後來，各位索性企起身，反正大家都咁熟。

等湯滾起需時，先吃些涼菜及小食最合適不過。胡麻手撕雞，勝在混入了不少青蘋果氣，感覺更清爽健康。黃金炸魚皮，脆卜卜，可當小食，更可成為火鍋配料，輕輕浸一浸，保留微脆口感，又索了湯底精華，很棒！

打邊燼要有牛肉，尤其是人多，來幾碟靚牛是必須的。本地牛頸脊，在鍋內拖幾拖便可，質感軟腍，富肉香，一如以往的高質。

另一份，是韓牛。採用了1++的頂級靚貨，仲要砌成花兒般美。入口更有嚼勁，卻不會韌，這晚單吃牛已值回票價。

同樣是捲成像花卉的，有匈牙利綿羊豬，我哋叫佢做髦毛豬。然而，今次的部位，跟對上幾次嚐到的，不盡相同。

還有兩款餃子，分別是素菜餃，以及黑蒜京蔥羊肉餃，前者雖是素食，卻不會很寡，味道蠻好，反而羊肉餃實在太有性格，不是人人接受到。另外，自家製的嚮鈴，當然好吃。

大家仲來了些較為冷門的配料，包括彈牙的百花海參雲腿釀蟹鉗，以及粉嫩的檳榔芋頭，皆很出色。

最後，有每次到來必點的花生芽，好彩是晚有貨。

甜品方面，木糠布甸依舊味美，不過我唔記得影相，真大頭蝦～

餐廳資料:
Canton Pot
旺角廣東道1131號香港旺角薈賢居2樓
39687888