北京樓 - 老店新貌

食物：$$$1/2

環境：$$$$

服務：$$$1/2

美心集團萬九幾個品牌當中，北京樓在我心目中會在三甲之列，皆因筆者鍾情片皮鴨及北方菜色，而且這品牌掹車邊也算是我的童年回憶。

只是，小時候常到訪的荃灣北京樓，經已成為歷史。

星光行北京樓，年紀唔細得過我，亦需要與時並進，最近來個大翻新，以全新面貌示人。

    

有人吹雞，捉埋幾件為食友，去新地方回憶下當年的味道。

雖不是過年，但人齊夠熱鬧，大可由星馬風情的撈起開始！是沒有三文魚的迷你版本的撈起，主角係雞絲粉皮，伴以紫椰菜及青瓜絲等，淋足夠芝麻醬，開心又醒胃。

接下來的一道冷盤，是十分考廚子刀功的，揚州龍青瓜，即大家熟悉的梳衣黃瓜。

放在碟子上，或者未能全感受到師傅的威力，當經理將青瓜拿起時，只見長長的青瓜被切我如梳齒般細密，卻從不間斷。這道爽脆的青瓜，單是欣賞師傅的刀功已值回票價。

一道菜色看不出師傅既功架？再整多味東海龍皇吧～由紅蘿蔔雕琢而成的龍頭龍尾，栩栩如生，我猜無六十歲既老師傅都未必有咁既工藝。中芯是蝦仁、帶子及螺片，以像乾燒蝦球的汁醬作伴，再以唧了花既薯茸圍邊。帶子與蝦仁的水準不俗，螺片則稍稍韌了點。

跟住有糖醋桂花魚，魚既size比較的骰，欠缺氣勢。不過，論味道，酸酸甜甜也是合意。

難得重臨北京樓，無理由唔食番隻片皮鴨丫，係咪先？！

細時最喜歡看經理/店員片皮，覺得好架勢。經理以熟練既手勢，很快便片好了一碟，砌得靚靚仔仔。軟熟的麼麼皮包裹著鴨肉/皮，夾條青瓜，塗上鴨醬，足足吃了三件，若不是是晚菜色豐富，我可以繼續來。

邪惡的東坡肉，教我如何可以抗拒？十分甘香，但瘦的部份可以更加鬆化。

蓮藕、窩筍、紫椰菜及南瓜炒埋一碟，色彩奪目，好睇好食又健康。

富貴雞走可愛路線，有人說似榴槤，有人話佢係箭豬與雞的混血兒。怎樣也好，快快點火，再扑佢，我要吃雞了。雞肉難得不嚡口，好吃。

此刻的我太飽足，北京拉麵我也只是象徵式嚐一點。

甜品有荸薺餅以及青蘋果酥，個人會較喜歡後者，酥皮做得鬆化，青蘋果粒味帶微酸，好合口胃，但吃時記緊小心燙口。

飽到上心口，在海旁支持一下本地的Busker，希望佢哋唔會俾大媽趕絕！

餐廳資料:
北京樓
尖沙咀梳士巴利道3號星光行3樓
27358211