食物：$$$1/2
環境：$$$$
服務：$$$1/2
並不是蟹癮，稱唔上十分熱衷食大閘蟹，但一年總會吃上一、兩次，同班朋友柴娃娃一局咁囉～
是夜有人吹雞，去荃灣如心酒店的中菜廳食蟹，見咁近我屋企，今年第一大閘蟹就奉獻俾佢吧！
話時話，雖然家住荃灣，卻已有好一段日子沒來晚飯／飲茶。
懶到出汁既我哋，見反正有搞手訂蟹，那不如請佢寫埋張菜單，乾手淨腳。
依例冷盤先到，是花雕醉雞。雞肉唔怕死實實，皮爽，而且花雕酒香出眾，個頭開得幾好。
豐富的晚宴總少不了湯羹，這晚的菜苗豆腐羹，清甜又滿有菜香，我也可以整碗清掉。
主角出場前，再先來個臘味煲仔飯，臘腸、潤腸、臘鴨及臘肉，非常豐盛。每樣夾少少，加點豉油來撈飯，在涼涼地既天氣，岩晒。記緊唔好錯過脆卜卜的飯焦，這是吃煲仔飯的重點。
問過店員，這裡的大閘蟹係來自江蘇，大約六兩半左右，算大的了。蟹羔講唔上話超級澎湃，不過始終是蟹公，其蟹羔甘香是一定的，吃一隻過下心癮，叫做參與過。
嚐大閘蟹宴，唔多唔少都會有點蟹粉菜色，包括呢味蟹粉豆腐，呢味菜色肯定唔會難食。
吃過奶油津白後，就有我期待的蟹粉小籠包。
每人一隻小籠包，按位上。可惜，小籠包皮偏厚，湯汁未見很豐盈，還幸肉餡唔差，更有蟹粉作點綴。
大家今年打算食幾多餐大閘蟹？每餐會食幾多隻？
聽聞幾年前流行大閘蟹自助餐，有人食左N隻之後，要入廠『修理』。記住，要量力而為呀！
餐廳資料:
如粵滬中菜廳
今年D蟹咁貴，應該不會有任食啦.....
回覆刪除根本一開始就唔應該任食~
刪除呢餐花雕醉雞最啱食！
回覆刪除哈哈哈~
刪除謝劉總割愛讓仔！
回覆刪除