MoMo Cafe - 重開啦！重開啦！

食物：$$$1/2

環境：$$$$

服務：$$$$

知否世事常變，變幻原是永恆～

自從港鐵通車後，西環一帶近年有著翻天覆地的巨變，型格有水準的餐廳林林總總，外藉人士由中環西移，消費力也瞬間提高。

面對一連串的轉變，該區的酒店亦嚴陣以待，如萬怡酒店的Mo Mo Cafe，最近亦來個大變身，以全新面貌示人。

   

剛重開的Mo Mo Cafe，設計時尚左，地方光猛左，環境舒服左。筆者最喜歡還是那特色牆，將西環區的色彩呈現出來。

嘢食唔算超級豐富，但四舊有找，信用卡仲有折既價位下，絕對收貨有餘。沙律煙三文Cold Cut與凍海鮮等基本食品是有。個人偏好蟹腳，各式Cold Cut和芝士似乎比沙律菜好，各式菜蔬似乎比較淡口。

熱食做得幾好，龍蝦肉質爽彈，味道鮮甜，即使放涼了也好吃。其後見佢有refill，嗱嗱聲出去再取幾件回來跟大家分享，趁熱食的確好吃十倍，以自助餐去計，是難得的水準，不要錯過。

一直瞄住燒乳鴿，即出即拿，肉嫩有汁，俱不錯。其他的熱葷也比想像中好，蒸魚沒有嚡烚烚，燒排骨同樣鬆化。

廚師走出來搭訕 (問客人意見就真!)，並推介賣相毫無起眼的炒蓮藕，爽脆帶辣勁，果然非常可口。

見有燒味，叉燒是半肥瘦，但我寧可多吃伴燒鴨。

燒烤專區是我最欣賞的，不論是燒安格斯牛扒、羊架、豬鞍抑或是魚和雞髀，全部都好好味道，大家更要Encore多一碟回來，水準可想而知。

甜品算不上特別豐富，幾款蛋糕和朱古力撻等，仲有黑芝麻湯丸。Movenpick雪糕是最大賣點。

你有感受到西環的變幻嗎？

餐廳資料:

MoMo Cafe

西環干諾道西167號香港萬怡酒店

37178989