食物：$$$1/2
環境：$$$$
服務：$$$
滿懷希望的一星期，到頭來還是要等，人生總是充滿無奈。
正如小丸子話齋：生活如果不寵你，更要自己善待自己。星期六豁出去，同幾位朋友去吃好西，懶洋洋歎個Brunch都唔錯。
我素來喜歡食西班牙嘢，當友人提議去吃以西班牙為題的賓廚，正中我下懷。
反正是任點任食，Tapas先每樣來一點，好食岩口味既才再encore。轉瞬間，十二款以西班牙紅蝦為主的Tapas在我們跟前曬冷。
驟眼看，有海膽的一碟是最為吸引。海膽的確是鮮，多士亦鬆脆，可是小紅蝦肉有點過咸，拉底了分數。反而，帶微辣的小紅蝦墨西哥夾餅，香脆可口，更合我心。
不過，吃起來我還更喜歡鵝肝慕絲比利時朱古力，香濃又軟滑，好岩心水。小紅蝦酥皮撻，重點在醬汁之上，此乃係喇沙醬，惹味。旁邊的薯茸波，釀入了紅蝦頭，又炸至香脆，喜歡香口嘢既朋友唔可以錯過。
主菜以烤乳豬釀飯，以及海鮮意大利飯為重點。先講前者，豬皮脆，米飯亦夠香，我反而覺得有少許太肥，否則會更加正斗。
接著來的海鮮意大利飯，口感蠻好，而且非常足料，只可惜我戰鬥能力太弱，完成不了。
甜品的吉士泡芙可口，仲有朱古力慕絲及芝士蛋糕，甜胃表示滿足矣。
吃得太飽，最後要以一壺伯爵茶解滯。是的，我最近竟接受了伯爵茶～
餐廳資料:
Club Albergue 1601
伯爵茶好飲啊！
回覆刪除最近先接受左佢~
刪除