花月庭 - 今期，和風

食物：$$$1/2

環境：$$$1/2

服務：$$$1/2

話說五月吃自助餐的次數太少，只有三次，六月誓要努力追回去，所以我又是吃buffet。

帝京我去過唔少次，但僅限於帝京軒，十之有九都係食佢，或者講你都唔信，其自助餐花月庭我是一次都沒吃過。

無獨有偶，花月庭今期主打，都係和風，始終日本嘢真係好受香港人歡迎。

   

話知佢做咩主題，先向凍海鮮進發，凍蝦、蟹腳與青口，呢啲基本嘢一定有，甚至在自助餐桌少見的墨魚仔，呢度都無走漏。然而，最為大眾受樂的，肯定就是即開生蠔，這晚屬美國產地，我吞下了一，二，三，XX，我都唔記得左幾多隻。

燒海鮮加入了和風原素，如開邊龍蝦是以海苔燒做法，而每位有一客的燒扇貝其實不單止有扇貝，還有魷魚、蝦、明太子等海鮮，師傅以火槍射呀射射它吧，令感覺更為豐富，又多一份香氣。

人家做和風主題，唔係唔係壽司與刺身咁唔俾面呀？！刺身當中，以白身魚較討我歡心。壽司既有箱壓，仲要係鰻魚，又有握成球體的，好多元化，哈哈～

茶漬飯也不缺，師傅會為你弄好一切，不用擔心。

自助餐有壽喜燒吃，印象中倒是首次見，請師傅為我多放點牛肉，連埋個甜甜的湯汁真好。

油雞鹵味樣樣都要，斬大舊叉燒...

其實我排燒味檔，目的只係海南雞飯，整晚咁多嘢食之中，佢係數一數二高水準。

是的，我很喜歡食皮片鴨的，加上帝京軒的皮片鴨向來有質素，所以要攞兩件。

甜品固然要貫徹日式主題，抹茶蛋卷是好例子，小小的朱古力密瓜球得意又好食，仲有日式芝士蛋糕、貝殼蛋糕、芒果拿破崙、各式奶凍等甜點...

凡惠顧自助晚餐，仲可參加大抽獎，有機會贏開西旅遊禮劵。

食得太飽，回家唔可以即刻瞓覺，會有肚腩的，唯有睇波。

餐廳資料:
花月庭
旺角太子道西193號帝京酒店2樓
26226154