食物：$$$1/2
環境：$$$$
服務：$$$$
雖然經常出外飲飲食食，但很少留意那些是「明星餐廳」，皆因我並不追星，娛樂知識近乎零。
是夜朋友帶路，來到尖咀的樓上店晚餐，去到門口發現黃長興先生的紙版，才恍然大悟，原來是佢開的。
不過，我向朋友弱弱問了一個低能的問題，他是大哥還是細佬？
法式餐廳，時尚得來又帶點個性，原來是出自雷頌德的設計，作曲又掂，餐廳設計都撈埋，我真係有眼不識泰山。
餐廳還有不少靚威士忌，喜好杯中物的朋友要留意。
Amuse Bouche係蕃茄洋蔥莎莎，微酸的醒胃味道加上洋蔥的辛辣，配上薄而脆的小多士，是個好開始。
是夜我們選擇散點。想飲湯，在法式洋蔥湯與龍蝦湯之間掙扎，最終要了前者。洋蔥湯面頭的芝士可以拉絲，放上IG應該可以呃到Likes。頗濃牛湯的味道，還滲出點點的甜，唔錯。
頭盤是邪惡的東西，有鴨醬、鵝肝醬及鵝肝三味，前兩者配薄脆的小多士吃，不過我始終喜歡用刀叉切鵝肝，懶理什麼超標唔超標，但鵝肝質素可以更坐佳。
帶骨伊比豬，烤得香噴噴的，我好有期望。超厚的豬火侯唔容易控制，但呢度就來得恰到好處，肉質很嫩，邊位帶點焦香，誰都知道近骨的位置才是極品，不要忘記配上無花果醬，好夾的。
另點的春雞，用上法國小黃雞，看似平平無奇，查實皮香肉嫩，即使是雞胸位亦唔會嚡烚烚，千祈要記住沾上以本身雞油造成的醬汁，成件事會精彩很多。而伴碟的薯仔亦非常有實力，絕對有力問鼎最佳男配角。
其中一款甜品是Warm Chocolate Tart，香濃熱暖的朱古力遇上冷艷清新的雪葩，愈大Contrast我愈喜歡，這裡做得幾好。
近年的甜品不少加入「爆炸」原素，呢個都一樣，正如朋友所講，朱古力小球味道有點兒似細時吃的積及橙餅，脆片則是咖啡味道，還有爆炸糖成份，吃在咀裡，霹靂啪喇，有趣。
不喝咖啡，改以熱檸檬茶作結。值得一題是餅廚的執著，連配咖啡茶的曲奇也是自家制，比坊間的好吃百倍。
餐廳資料:
La Mer Restaurant & Lounge
他是大哥還是細佬... XDXDXD
回覆刪除呢間好似有實際喎!
有D咁啦~
刪除雷頌德真係多才！
回覆刪除真係有眼不識泰山
刪除豬架很出色，好想去你大讚那官塘豬架！
回覆刪除個間叫HOW
刪除