食物：$$$1/2
環境：$$$$
服務：$$$1/2
昔日隊友Toy己移居澳大利亞，本月回港短留幾天，相約食早餐兼打波，即使再忙，我也找不到理由唔去赴會。
在又一城隨便找間餐廳，方便食完之後去歌和老街打波。
主角起初揀去Sweetology吃早餐的，只概嘆餐飲業人手嚴重不足，一人要睇晒成個場，不單無法安排我哋入座和落單，甚至我們決定唔食而離開，店員亦唔理咁多。
場內許多食肆其實中午才開始做生意，唯有過對面的Ciao Chow吧！
明明仍有十來分鐘才是十一點，店員話已沒有早餐，著我們揀意粉和薄餅，是但啦，要趕住之後打波。
點了兩客意粉，一個薄餅，四人分享。反正打完波會再吃Lunch，呢個份量應該足夠有餘。Pesto是其中之一款，簡單的羅勒醬、烤雞肉及芝士粉作配料，意粉幾有咬口，但羅勒始終會帶點點像草青味，不是每位朋友都接受到，我個人當然沒問題。
另一款是Vongole Bianco，辣度算不上強勁，反而來得幾惹味，意粉質感則與剛才的一碟差不多，煮得剛好。主角的蜆肉，細嫩鮮美，蠻不錯。
薄餅可以自家創造個人風格，但我哋掛住吹水懶得去諗，現成點個Prosciutto E Rucola便算。除了基本的蕃茄醬、芝士及火箭菜外，更放上幾片風乾火腿。本身批底做得不錯，夠薄而拿上手不會輕易塌下來，茄醬與芝士的組合，味道自當穩陣，火腿雖不是頂級貨，但總算咸咸香香，加埋辛辣的火箭菜，合格的出品。
簡單的一杯拉花拿鐵，啡味濃郁，心滿意足。
唔知有無機會，去澳洲夾番場混雙比賽呢？
餐廳資料:
Ciao Chow
我5月去wor，夾埋日子一齊出發啦！
回覆刪除重點係要有人肯同我呢個屎波昆夾混雙先~
刪除也算不錯的早、午餐！
回覆刪除