海外篇：雪糕與雪條

過大海搵食，一天吃五、六餐，飽到上心口，是意料之中的事。

即使行程有多緊湊，有多少餐廳想吃，也定必會留個空檔給雪糕或者雪條，畢竟我也是個(偽)甜魔。

近幾次去澳門，都有到訪「婆仔屋」，不是為了葡菜，反而是去睇下展覽，聽下街頭音樂，買點葡國特色東西，沾染些藝術氣息。之後，大都會到最就近的禮記，吃番枝紅豆雪條/ 三文治雪糕。

   

有番咁上下歷史的禮記，四周都是懷舊的擺設，悠閒地坐著吃杯冰，真有點時光倒流的感覺。

讀書時代，有同學是半個澳門人，佢阿媽每次返澳門都會買大量禮記的紅豆雪條回來，間唔使我都掹車邊食到一枝半枝。細個嗰時，超易滿足，一枝紅豆雪條，開心到不得了。

N年後的今天，叫做見過下世面，這裡的紅豆雪條不再是驚為天人，但總是充滿懷舊的味道。另外，佢既三文治雪糕，兩塊威化餅夾著三色雪糕，雖不是什麼優質的外國品牌，但已不錯。

至於氹仔那邊，官也街的莫義記是我最常光顧的一間，店子這幾年已得米芝蓮街頭小食推介了。

翻睇我自己的紀錄，八年多前呢度最出名既榴槤雪糕，盛惠十二個大洋。時至今日，一杯D24已賣到$38，貓山王更加要$68，加幅好比香港樓市。

不過，多年來水準依然沒變，口感其實不太像雪糕，很重口味，還有榴槤絲在內，榴槤迷定必喜歡。

食店資料:

禮記雪糕

荷蘭園荷蘭園大馬路12號地下

2837 5781

莫義記

氹仔舊城區官也街9號A舖

(853)6669 5194