逸東軒 - 天氣未凍，冬天菜色先到～

食物：$$$1/2

環境：$$$$

服務：$$$1/2

在港澳版米芝蓮公佈的前夕，我們來到灣仔逸東軒晚飯(佐敦在裝修喇) ~~

以往在灣仔北食飯，十居其九是應酬飯局，不是去東海/海都，就是逸東軒，呢幾間菜色穩陣，夜晚環境清靜，請客唔會衰得去邊。

不過，已是幾年前的事，近期也甚少在附近出沒。

是日好像有心靈感應，又再來逸東軒，預祝呢個品牌再次摘星。

    

都差不多時候食番啲秋冬嘢，即係羊腩煲呀，蛇羹呀個類啦！這裡的蛇羹，加入了花膠及鮑絲，暧身之餘，更顯矜貴，記緊要放檸檬葉和薄脆。有時候真不知道，到底是為了薄脆而去吃蛇羹，還是為了蛇羹而食薄脆。

呢度既羊腩煲，份量比預期大得多。正路地用上黑草羊，大大件的羊腩，肥瘦適中，鬆化入味又唔會羶。底下的枝竹、冬菇及西生菜等，索盡汁醬之精華，任誰也知這是瑰寶。

去盡一點，再來客蘿蔔油鴨髀炆大鳝。先挑件油鴨髀吃，油香四溢，沒有死咸，連帶蘿蔔也相當腍身入味，成為極品。大鳝肥大肉厚，口感彈牙，果真不錯。

再來惹味的炒蟶子，火侯控制得宜，入口爽彈不過韌，唔會似趙香口膠咁。爽脆的露筍來得清甜，是我喜歡的蔬菜之一。

不少朋友問我，是否爽口的蔬菜就食，不爽口的就嫌棄。其實好難解釋，總之大家唔使遷就我，喜歡吃就點，會吃的自然會吃。如蒜茸炒豆苗，就是我喜歡吃的一款，入口細嫩無「骨」，蒜茸炒則多一份惹味感。

冬天就無理由唔食生炒糯米飯。糯米飯煙韌可口，腊腸潤腸及腊肉等經爆香，令糯米飯粒更油潤，說飽說飽，卻又是忍不住一口又一口的吃下去，可知水準如何。

即使飽得捧著肚子，呢度既千層馬拉糕卻又是必吃，香甜可口，鬆軟又有層次感。

果然，呢個品牌(佐敦店)成功再次摘星。

餐廳資料:

逸東軒

灣仔港灣道23號鷹君中心2樓

28781212