抹茶館 - 情深我款款？

食物：$$$

環境：$$$1/2

服務：$$$1/2

實不相瞞，本人對抹茶食品毫不熱衷(又未至於抗拒既！)，因此抹茶館雖然在荃灣廣場屹立了好一段日子，而筆者亦時常會路經，卻從未、亦沒有動力去幫襯，直至今日。

三個都是細食之人，每一點一份餐恐怕吃不完，無謂造成浪費，商議後決定柯打兩份晚餐，另加一客甜品，應該更加合適。

    

套餐會跟上湯、凍豆腐、車厘茄、白飯及蕨餅。湯是預料之中的淡口，車厘茄汁多但唔算甜美，凍豆腐則是一貫的滑。至於甜點的蕨餅，味帶微微的苦，口感煙韌，正常發揮。

定食主角之一，是豚肉生薑燒，豚肉肉質至少唔韌，味帶點甜，洋蔥軟腍，幾好送飯。

另一款係燒鯖魚，即燒出來，仍燙咀巴，吃時要小心。魚皮燒至香脆，沒太多腥味，只是肉可以更嫩。

甜品選擇繁多，好不容易才挑中了鴛鴦抹茶雪紡蛋糕，份量比預期中大得多，造型肉青娃。蛋糕本身稱不上特別鬆軟，綠茶味亦有欠醇厚，唯連同雪糕一起放入口，效果會好一些。

跟餐會附上基本飲品(特飲補差價)，我當然放棄綠茶，要杯柚子茶便好了。

抹茶系列始終唔係我杯茶，唔同大家爭食。

餐廳資料:

抹茶館

荃灣大壩街4-30號荃灣廣場地下112B-113號舖

23879518