食物：$$$1/2
環境：$$$
服務：$$$$
屋企附近真係食到無咩好食，抽起條筋，走去海濱花園那邊，睇睇有無邊間想食？
可能行慣左，步行去海濱又唔覺很遠，當做下運動也好。
在海濱花園兜左個圈，發現有間新嘢，叫Hustle Guy，不妨一試。
店子小小，兩口子經營，以外賣為主，不過我當然就是堂食啦！
店主幾友善的，既向我介紹食品，又問我對食物既意見，仲會閒聊幾句，這是我一直喜歡幫襯小店的原因。
選了蕃茄肉丸意粉，中午時份會跟上湯或者沙律，我挑了前者。是意大利菜湯，小小的一兜，呷一口，醒胃而不會過酸，材料豐富，唔差。
沒多久，蕃茄肉丸意粉送上，偏意粉質感可以，至少唔怕太腍，汁醬比起快餐店的來得更有誠意，咪以為肉丸只兩粒，其實還有墊在底下的。肉丸經煎過，來得香口，口感沒死實實咁，個人覺得合格的。
小店仍用原始方法留客，我指係儲分卡。每惠顧滿六十個大洋就儲一個印仔，儲夠十個印即可換領食物，唔知吸唔吸引到呢度既街坊呢？
餐廳資料:
Hustle Guy
海濱花園又係難攪D！
回覆刪除做街坊客
刪除咁你要行幾耐至到呀?
回覆刪除半句鐘左右
刪除