Cafe East - 變身再變身~

食物：$$$1/2

環境：$$$$

服務：$$$1/2

從日航時期已開始在這裡吃自助餐，到易名千禧新世界後亦試過，感覺有少許進步。如今酒店裝修後重開，變得更美輪美奐，我當然要去Café East再睇睇佢既Buffet，有無繼續提升。

唔再講環境呢啲廢話，難道裝修後環境會衰過以前嗎？直接跳入去介紹食物好了。

    

凍海鮮在哪裡也會是搶手項目，蟹腳與龍蝦是好東西之餘，小龍蝦都好受歡迎，然而，本人更喜歡麵包蟹，蟹羔澎湃，不二之選。

酒店自助餐的刺身與壽司，水準參差，有時我會略過。不過呢度的又一向唔差，裝修後仍保持水準，三文魚與吞拿魚肥美，帶子新鮮可口，八爪魚都唔會韌，食得過。

印象中，現時的Cold Cut款式比以往的多，咸香軟熟的風乾火腿外，仲有莎樂美腸，更有牛，每款吃一點已滿足。

中式熱食款式唔算特別多，不過做得精，鮑魚花膠時蔬最得眾人歡心，個人認為龍蝦伊麵都幾好，大大條蒸魚唔會過老，辣酒煮螺十分惹味，記緊要飲湯，中西之間我會推薦中湯，清潤順侯。

嗜辣的朋友有福了，除了剛才說的辣酒煮螺，更有「麻辣火鍋」，將丸子、豆腐及蔬菜放進鍋內，一直滾呀滾，既麻且辣又香，呢個麻辣鍋底唔嘢少。

西式的當然都唔會輸蝕，即燒大蝦肉爽，鵝肝記緊要趁熱食，雞鎚肉嫩可口，大蝦偏意粉也不讓龍蝦伊麵專美。仲有正宗的印象咖喱與薄餅，可惜的是，我喜歡的印度拉茶暫停供應，希望佢稍後可以回歸啦！

作為一個食肉獸，即使面對眼前眾多美食，總要番肚整番塊燒牛肉才心息。著師傅切厚身啲，要生一點的，配上汁醬，美味鬆化，滿意。

軟硬軟軟軟軟硬，我講緊既係芝士，有軟又有硬，喜歡性情溫和的，抑或是個性剛烈的，悉隨尊便。配餅乾也好，杏甫肉也不錯吃。

甜品也真的吸引，糕點之前，先吃件檳城薄餅，滿載街頭風味。

各式糕餅都好吃，如千層酥做到分明層次，栗子撻細滑，芝士撻流心，窩夫追成條狀好有氣勢，雪糕是哈根大師既出品，甜胃大呼滿足。

即場申請酒店會員卡，在酒店各餐廳用餐都有75折，唔使交幾多幾多千會費，免費申請架！

餐廳資料:

Cafe East

尖沙咀麼地道72號千禧新世界香港酒店1樓

23134222