帝景軒 - 也有中餐吃的

食物：$$$1/2

環境：$$$1/2

服務：$$$1/2

雖然天生饞嘴，卻總會有些時侯因為懶，唔想走太遠去解決兩餐，而選擇在荃灣區搵食。

在橋底的這家帝景酒店，雖然不是很大很堂皇，卻滿有渡假Feel，岩晒生活緊張的香港人。

驟眼看，酒店只有一間吃自助餐的餐廳，實際上，在這Outlet除可吃自助餐外，更有中、西餐之選擇。

上一趟吃過其西餐，今次就試試中餐了吧～

     

先以一味清新的虎蝦球作序幕，虎蝦的身型固然之巨大，醒胃的芒果醬與虎蝦也從來合拍，還伴以芒果粒、紅青椒粒等，放在脆盞內，層次更豐富。

另一味是黃金海中寶，聽名字很難猜到是什麼，可能會估是蝦吧！其實，這是斑片，還要以咸蛋黃外衣包裹著，邪惡自然好吃。物以類聚，底下既茄子，也變得邪惡，總之就是膽固醇萬歲。

繼續向惡魔挑戰！下一道是宮廷醬烤骨，單是震騰騰的表現已話俾你知有幾邪惡。肥既甘香，瘦既亦鬆化，滲出幽幽酒香，仲要唔好浪費呢個醬汁，叫個白飯來送就無以尚之。

又來了三隻焗蟹蓋，大家分享。芝士焗自不然香口，另因加入了各式菇菌，再多一份菌香，配合蟹肉，好飽肚。

朋友話脆鱔外表有少少似粟米，睇落又係喎～咬落肉厚，且彈牙，幾好，夾埋甜美軟腍的洋蔥及燈籠椒吃，會更正。

再來的海鮮泡飯，完全是西餐賣相。帶子及蝦的質素無問題，可是西式的龍蝦湯唔夠熱，所以當倒脆米之時，出來了明顯的層次感，有可改進的地方。

脆皮雞的顏色吸引，皮脆肉嫩，雖沒太有雞味，但旁邊就有十分惹味的南乳醬作補償，講真今時今日食到呢個水準既雞，已不能再太苛求了。

最後的蔬菜，以豆腐作湯頭，配以各式菜蔬與腐竹，在多番邪惡的食物過後，吃到呢個菜是相當合適。

以楊枝甘露作結，爽呀！

餐廳資料:

帝景軒

荃灣汀九青山公路353號帝景酒店

37162898