海外篇：Kub Kao Kub Pla - 輕輕鬆鬆鄧梓峰Feel~

食物：$$$1/2

環境：$$$$

服務：$$$$

朋友知道筆者將去曼谷，提醒我必定要逛下EmQuartier這個新商場，因商場內有超過50間餐廳食肆，間間吸引。

樓下幾層與曼谷其他的大商場無異，都是名店林立，但走到去食肆那幾層，整個格調完全唔同晒，別有洞天。

在商場兜了個圈，正如朋友所言，似乎求其走入一間食肆都好鬼正咁，所以我們也真是憑感覺，選來這家Kub Kao Kub Pla。

再看餐牌，這原來是雪糕店iberry既姊妹店喎~

    

餐廳氣氛比較輕鬆，價錢(在這商場計)也是較為親民。

先說招牌小食炸芋頭，炸至金黃色，大大粒，外貌無疑是吸引。然而，咬下去是偏硬，中芯的芋頭茸不夠香，未算合心，要靠那看得出厲害的辣醬來提升味道與層次。

點來的蟹肉炸麵，原來是將河粉上漿炸脆，香口又特別。蟹肉成份十分充足，淋上芡汁，好味道。

再來之五香鹵水豬手飯，鹵水汁最好下飯，豬手炆得夠淋和鬆化，豬皮部份膠質固然重，還附以已開邊的流心蛋，真正做到流心效果，不錯。

怎樣也要吃番個冬蔭麵，誤以為是有齊蝦和鱸魚，原來是擇其一，所以我哋呢兜只有鱸魚，而且份量不多，更不是每塊魚片都好吃，好彩仲有磨菇，唯有將注意力集中在冬蔭湯之上，幸而湯底酸酸辣辣，醒胃可口。

選一份甜品大家些牙食便可，士多啤梨與抹茶卷蛋，配兩球雪葩。卷蛋質感軟熟，相信大部份香港人會忠於抹茶，但從不是抹茶粉絲既我，更覺草莓好吃。至於雪葩，藍莓芒果，以及Santol口味，皆是開胃之選。

原先打算甜品下場，可是此刻已再沒食力。

餐廳資料:

Kub Kao  Kub Pla

689 Emquartier Shopping Center, Sukhumvit Rd.,Bangkok 10110 

(66) 02-003-6236