食物：$$$$
環境：$$$$
服務：$$$$
與食友素素大概有幾年沒見面，趁暑假完結前，幾位朋友把握機會跟她聚一聚，否則開左學，又會好難約的了。
為遷就大家方便，元朗是最合適的地方，近期形點進駐了太多食肆，我都未曾見識過，今晚正好讓我大鄉里出城。
果然是新屎坑，商場內幾乎所有餐廳都爆滿，連Outback都早已Fully
Booked, 認真誇張。
Mango
Tree Café地方唔細，呢個集團的設計裝修以及燈光，肯肯定是一流水準，知道老闆是誰你就會明白。
原來素素係呢度既熟客，咁點菜方面，就由她發辦，餸來張口的感覺從來好，懶人是這樣練成的。
完全無問點了什麼吃，見率先上場的，竟是蝦多士，我心裡暗喜，從想不到會在這裡嚐到此味。炸至金黃鬆脆的，蝦膠彈牙，黑白芝麻令多士更香口，水準優於預期。
再來又是我喜歡的，泰式鹵水乳鴿，肉質嫩滑，肉汁豐盈。伴上的鹵水蛋與鹵水豆腐，同樣唔講得笑，必試。
蟹肉飯大概是叫俾小朋友食，很足料好多蟹肉，頂頭簡簡單單加隻蛋，大人小朋友都會歡喜。帶子意粉，煎得兩邊香，內裡保持細嫩，火侯控制得宜，正如朋友所言，比好多西餐廳來得更出色。
意粉唔錯，但跟著嚟既芝士大蝦伊麵仲精彩，大蝦有四隻，隻隻彈牙，芝士焗代表住邪惡，還帶有少許辣勁，墊底既伊麵吸盡精華，好食到停唔到口。
Phad Thai Pizza幾特別，唔講仲以為係某大薄餅連鎖店的新口味。
又來了半隻燒雞，看其外皮的色澤，深知會是脆皮，肉質沒半點嚡口，蝦片就成為小朋友搶攻的項目。
有我在，蔬菜也要來得邪惡，加入豬腩肉又如何？
甜品亦來得瘋狂，斑蘭燉蛋香而滑，仲有大大粒士多啤梨鋪面；提拉米蘇濃郁又濕潤，跟面頭更的一球奶茶雪糕好匹配；芒果糯米飯，重點在於那球紫糯米雪糕，有心思。
當場還有兩款寫上生日快樂的甜品，分別是熱情果芝士蛋糕，以及朱古力蛋糕，前者清新之餘，餅底亦非常不錯。朱古力則十分濃郁，兩者皆出色，最重要是兩位主角滿意。
希望下次原班人馬再聚，唔使等到出年暑假啦～
餐廳資料:
Mango Tree Cafe
聖誕又點睇！
回覆刪除個晚好開心呀，一於約約約！
刪除