食物：$$$$
環境：$$$$
服務：$$$$
之前與好友ET各有各忙，已有好一段時間沒有見面，趁近期大家都可以透透氣，把握時間出來聚聚。
美麗華國金軒，近乎是我倆食飯之必然地點，當然仲有馬小姐。
今次係嚟飲茶，既然星期六有款Brunch，點心與甜品任食，另還有頭盤與主菜，那就不作他選。
前菜係話梅花雕翡翠螺拼蜜餞叉燒皇，兩粒翡翠螺厚肉，酸酸的很醒胃。反而，叉燒頗韌，欠缺蜜汁的香甜，有少許失準。
各款點心也優質且矜貴，有別於坊間的大路貨色，更不會因任食而草草了事。黑松露野菌餃，圓圓的漲卜卜，澄麵皮晶瑩剔透，內餡有什菌與翠玉瓜等，既香，味道亦不錯。
紫薯百合菜苗餃，形狀靚仔，混入紫薯我還是首次嚐試，想不到都幾夾，不是為紫薯而紫薯。
春卷比預期中粗身，即叫即炸自是熱燙。咬下去咔嚓的聲音說明一切，香脆外皮之下，是絲絲蟹肉，還有香濃的芝士，整件事變得重口味。
腸粉有三款可選，鮮蝦腸、叉燒腸，以及牛肉腸，選了最後者。腸粉皮薄而滑，透出餡料，內裡並不只是牛肉，更有夥菌坐陣，感覺更為豐富。
將街頭小食概念引進酒店，辣汁三寶內容有厚肉的翡翠螺肉、爽脆之水魷魚，與索味既蘿蔔，配合惹味的辣，愈吃愈滋味。
主菜三揀一，醬燒鵝肝和牛面頰、芺蓉溏心元貝皇，同埋宮廷醬烤鴨胸，大家猜我會先那一款？沒錯，鵝肝和牛是也，不過也試了ET的元貝皇，喜歡佢既擺盤，蛋白墊底配合醋珠。然而，我更愛我既選擇，雖然賣相沒元貝講究，鵝肝入口溶化又甘香，牛面頰又是相當軟腍入味，超好吃。
一碟豆乳油條浸菜苗去平衡後，可以進入甜品環節。
可是，實在太飽，只能品嚐一碗楊枝甘露，在熱到出水的天氣下喝此品，太爽皮。
是日大家沒喝酒，以我喜歡的仁參烏龍，及汽水取代之。
餐廳資料:
國金軒
下次返黎都要飲番餐靚茶先！ :D
回覆刪除快快返來~
刪除紫薯百合菜苗餃好又靚又好味！
回覆刪除估唔到佢咁夾~
刪除依個brunch真係好正！
回覆刪除說得真對!
刪除