新店速遞：新香園 - 真的，開分店了～

食物：$$$$

環境：$$$$

服務：$$$$

深水埗老店新香園堅記，大大話話吃了十多廿年，直至到多年後的今天，在附近的汝洲街(真係好近)開分店，忠實擁躉的我，必定要去支持下。

為什麼打正旗號的新香園，裡頭卻有寫著南香園的字樣呢？追溯番歷史，原來店子最初期以明記為名在黃金商場外擺檔，後來入舖叫南香園，其後才再改名為新香園。明晒！

新店環境比總店好一萬倍了，有卡座又有個性裝飾，讓客人吃得更舒適自在。

　　

同埋，新開業雖有錯單漏單的情況，但店員的態度，好像比在總店時友善，看來佢哋工作得比之前開心。

與老友兩人點了三份東西，大家開心些牙。朋友所揀選的，是招牌的豬手麵，要粗麵。粗麵爽口，沒一股鹼水味，豬手皮爽，但跟總店一樣，南乳味其實無乜。誠然，我一向唔算太欣賞佢既豬手。

另一款名物當然就是蛋牛治，看見餐牌有新品麻辣蛋牛治，原本好有興趣，可惜對方不能吃辣，那就還原基本步。烘底的蛋牛治，吃時仍燙口，微脆之包身，雞蛋與牛肉大玩纏綿遊戲，好味道又有汁，保持水準。

金黃色的西多士，溫度很足，微脆而軟熟的多士，塗上牛油及適量糖漿，邪惡又如何？我要將之徹徹底底的消滅。

凍檸茶都未算，仲要有香芒凍檸茶，在熱到中暑的情況下大啖喝幾口，心裡只想，可否多來一杯！

待天氣無咁熱，才再來整碗生滾粥，等我～

餐廳資料:

新香園

深水埗汝州街186號地舖

2728 7118