薈景 - 你有四個胃嗎?

食物：$$$$

環境：$$$$

服務：$$$$

實不相瞞，大鄉里既我，只在許多年前Openrice搞的飯局嚐過一次會展的Congress Plus，記憶中當年並不是吃自助餐的。

直至多年後的今天，才正正式式首次來這裡食Buffet，試這個「海鮮。味力，環球盛薈」。

老早已聽聞過這兒的自助餐超多嘢食，四個胃都搞唔掂，但耳聽未為實，要親身感受過，才知所言非虛。

    

食Buffet好睇心情，有時候我會反其道而行，由甜品開始食番轉頭。不過，今次還是做番個正常人，以凍海鮮打頭陣。

皆因呢度既凍海鮮實在吸引，平日自助餐少見的花蟹，鮮甜到極點，蟹殼之蟹羔被我完全征服。再者，蝦是爽身，蟹腳鮮甜，青口經調味而不是淡而無味。龍蝦從來是焦點，啖啖肉而有羔，龍蝦鉗位置來得更鮮嫩。

有些朋友先來一大碟沙律作開胃菜，我則只淺嚐一點作間場已可。

除了煙三文魚外，今時今日好多自助餐，亦加入了紅菜頭三文魚，一來色澤更好看，其實水準亦更高。

呢度有太多嘢食了，壽司與刺身，我只淺嚐了一件吞拿魚便算，我的胃納太有限了吧～

食友占占大力推介呢度既海南雞飯，那無可能走雞啦，的確，雞是皮爽肉嫩，油飯香，以自助餐去計，應該是數一數二。喜愛片皮鴨的我，看見有此味，雙眼發光，但為保留食力，努力控制住自己吃一件好了。

食肉獸如我，總會對著燒牛肉及羊架虎視眈眈，前者肉質保持嫩紅，咬落鬆化，羊架羶味不重，但同樣肉嫩味美，經我自行擺上蘿蔔及露筍作點綴後，感覺有如在吃高級西餐的主菜，哈哈～

印度燒雞，以及各式咖喱，全是地道風味，皆因又是有印度師傅坐鎮。

在Buffet中吃到燒鰻魚、檸檬雞以及焗蠔等，我滿足矣，如果能有四個胃，我可食埋魷魚、飲個海底椰湯。

好了，要攻甜了，否則連甜品也吃不下就蝕晒。朱古力慕絲蛋糕、花香鮮果大菜糕及拿破崙等，仲有Movenpick雪糕，不難滿足大家的甜牙齒。星期五、六更有夏日芒果甜品系列，對於芒果迷既我，是天大喜訊。

我應該，唔食中午飯嘛，死蠢～

餐廳資料:

薈景

灣仔港灣道1號香港會議展覽中心4樓

25827250