樓下冰室 - 醒胃，蕃茄麵

食物：$$$1/2

環境：$$$1/2

服務：$$$1/2

蕃茄麵總有股攝人魅力，會令人上癮。中環的勝香園出品很出色，尖沙咀的星座冰室都唔錯，偶爾好想回去上上電。

荃灣路德圍亦有個吃蕃茄麵的地方，叫樓下冰室。店子剛開業時我曾到訪，感覺不怎麼樣，可能是那瑞士雞翼累事。之後，每次路過均人山人海，本人再也沒衝動走進去。

這一天，攰得很，打算瞓晏些少才工作，怎料一睡就是十時半。施施然梳洗過後，不如去食個Early Lunch？

　　

 

十二點未夠的樓下冰室，人客未算多，但這情況只維持了十五分鐘，當我食完離開之時，門外始有人排隊。

雖然午餐有唔少選擇，但一心來吃蕃茄麵，就不再轉軑，要了有茄麵的一款。

套餐還跟上蒜泥牛油脆豬、炒蛋，以及火腿。火腿實在沒什麼好說，豬仔包尚算是脆，但牛油與蒜香俱不足。幸而，炒蛋有夠滑身，水準不俗。

豬潤公仔麵，配蕃茄湯底，先喝幾口湯是我的習慣吧！內有不少新鮮蓄茄之湯底，帶出頗自然的酸味，沒過份造作。豬潤雖不很厚身，卻尚且爽脆，唔怕有陣陣異味，處理還好。

仍在咳，放棄咖啡奶茶，不過，凍凍地喝杯熱檸檬茶，都幾舒服。

撞鬼！明明我一條友食，張單既Guest No. 寫住 2既？！

餐廳資料:

樓下冰室
荃灣路德圍14-18號B舖
35654599