佳寧娜潮州菜 - 世界與我又何干?!

食物：$$$1/2

環境：$$$

服務：$$$1/2

排山倒海的團年飯，是晚輪到與舊同學相聚。

統籌人建議去佳寧娜晚飯，都好喎，反正我已經N年沒來過，不過我直覺覺得，水平應該不會有太大轉變。

想不到挨年近晚，店子坐唔滿一半人，又可能呢所老店子，完全唔志在。

總覺得，這間店，有種"世界與我又何干"的感覺～

  

人齊，喝過功夫茶，菜色陸陸續續送上，盡興的晚宴要正式開始。

吃潮州嘢，必然要有鹵水。與其要鹵水拼盤，倒不如專注於最好的，鵝片。入口件件軟熟，始終酒家有咁多年歷史，鹵水膽衰極有個譜。墊底的豆腐，你我他都知道會是不可錯失的好東西。

接著是香口的鴛鴦棗，即蝦棗與蟹棗。味道稱不上出色，卻至少做到口感彈牙，已經收貨了。

雖不是夏天，但朋友也有興趣來盅檸檬鴨湯。咸檸檬味道頗重，是開胃的一款湯水，有人連喝兩碗。老鴨的肉，我就沒有碰了。

石榴雞包裹得靚靚仔仔，外皮口感好，內裡餡料足，是我喜愛的出品。

煎蠔餅端上來時，香氣十足，還有近年少有的蛋香，難得。出品是煎得香，蠔仔肉很多，邊邊位微脆，乃高水準之作。

幾款香口東西後，一個富潮州特色的春菜煲，來得正合時宜。

佢哋一份芋泥幾個人分吃，我就話知你，獨霸一碗，因為實在香甜好吃。

反沙芋口感與味道皆不錯，只是獨吞了一碗芋泥後，已經無咩食力，只能淺嚐一條。

大家都話，是預期中既水準，不過每人兩舊水鬆少少，無人會投訴啦！

餐廳資料:
佳寧娜潮州菜
灣仔告士打道151號國衛中心1樓
25111282