新店速遞：牧羊少年漂書館 - 呷著咖啡想來年

食物：$$$1/2

環境：$$$$

服務：$$$

睜開眼，望望鬧鐘，原來已接近正午十二點，忘了多久沒睡到咁晏，呢排真係攰到阿媽都唔認得。

施施然整下呢樣搞下嗰樣，又是點幾兩點，係時候出去嘆個Brunch。

由於晚上仍有聖誕趴地，中午就不走太遠，在大會堂的牧羊少年，靜靜的看著書享受下假日悠閒。

與其食意大利粉，倒不如吃份充滿假日Feel的All Day Breakfast?

   

此處全日早餐的內容：兩條香腸、三文魚卷、漢堡扒、火腿扒、炒蛋、焗豆、牛角酥、烤蕃茄，與及磨菇，堆滿整隻碟子。

沒有薯餅，令我有一點點介意。有死硬派朋友更會話，沒黑布丁跟本就不是英式早餐。曾在英國居住，崇英崇到發燒既我，都好想在港找到Black Pudding。

講番我呢份全日早餐，雖然炒蛋沒有過火、焗豆有熱過、牛角酥夠酥脆，各款東西都唔難食，而且咁大堆頭足以食到我飽飽，但欠缺了薯餅，始終令我遺憾了一陣子。

惠顧All Day Breakfast，原來會奉送一球雪糕，朱古力口味，是給甜魔很好的聖誕禮物。

呷口漂亮拉花的鮮奶咖啡，想著來年的大計，看來我要加倍努力，才有機會實踐…

2017，繼續拼搏吧！

餐廳資料:
牧羊少年漂書館
荃灣大河道72號荃灣大會堂地下門廳
28873290