Fabrice 嚐味: The 5B Private Corner

2016年2月5日星期五

The 5B Private Corner - 有線加油站~

食物：$$$
環境：$$$$
服務：$$$1/2

踏進工廠大廈找好嘢食，已不是什麼新鮮事，當中以觀塘和荔枝角甚為普遍，中午繁忙時間沒訂位的話，大概只能望門興嘆。

此風原來已伸延到荃灣，就在有線大樓旁的殘舊工廈，悄悄地開了一間咖啡店，筆者爭啲走寶。

地點雖算不上便利，卻因為在靠近有線，不少有線職員、主播、明星，乜乜乜，也會前來惠顧。

很好的環境

筆者前來，當然不是為了追星，只想在這恬靜的環境，喝杯咖啡，睇下書，思考一下，扮下文青。所以，我會選擇在非繁忙時間到訪。

慢慢嘆

胡亂的點了個All Day Breakfast，陣容是沙律、牛角酥、焗豆、煙肉、腸仔，同埋炒蛋，跟我預期的，有些少出入。不過，唔緊要啦，食左先講。沙律菜加入了柚子醋，又幾對胃口；牛角酥雖及不上名牌子的水準，至少也酥脆內軟；炒蛋不很滑，卻亦沒有太老；焗豆如可以加熱，就好。最喜歡的，是薄薄的煙肉片包裹著的芝士腸，咬落去芝味足。