Cafe (Hyatt) - 多一個選擇

食物：$$$$
環境：$$$$
服務：$$$1/2

每逢聖誕，每近農曆新年，身邊總有大堆朋友會問：「邊度既自助餐掂呀?」始終，一班朋友相聚，Buffet的確是最穩陣既選擇。

城中五星級酒店的自助餐，筆者基本上也吃過，唯獨是尖沙咀的凱悅酒店例外。這所酒店的中菜廳凱悅軒、西餐的Hugo’s也嚐過好幾次，偏偏就是未來過吃Buffet。

唔好問典解既典解既，有好多嘢係無辦法解釋的。正如你都未必解釋到，點解大帽山惡女，也會有人愛上。或許如作家王廸詩話齋，佢當時係撞邪啦！

話題又扯遠了，講番呢度既自助餐，陣容幾豐富，最重要的，還是質素要夠高。

 

唔會俾人搶晒

凍海鮮是許多酒店自助餐的熱點，尤其是當有龍蝦的，每每會被人洗劫一空。這裡除了青口、大蝦、蟹腳等，同樣有大量的龍蝦供應，而且客人也很斯文，至少筆者當晚遇到的是，各種海鮮保存得企企理理，水準亦不俗。

 

即煮鮮活龍蝦

唔止咁簡單，另一邊廂，更是鮮活的波士頓龍蝦專區。即揀即煮，制作需時，蝦羔甚豐，肉質鮮嫩。所以即使有三款汁醬去配 (蕃茄莎莎、泰式酸辣汁、柚子豉油)，我還是堅持原汁原味。
 

試了一點

自肪餐的壽司與刺身，筆者有時會跳過，但今次又嚐了幾件刺身，大致可接受，特別愛帶子。
 

即燒

作為不折不扣的食肉獸，面對住西式的肉扒區，只會口水直流。肉眼、西冷，與及羊架，跟剛才的龍蝦一樣，是即叫即燒，熱呼呼的燒出來，都無咩理由會難食。
 

必吃

然而，講到羊架，不得不提印度式的Tandoori Lamb Chop，火侯控制得恰到好處，肉嫩有汁，再有點點香料的香氣，個人認為，比肉扒區的羊架，更勝一籌。
 

不能放過

除此以外，亦有不少以酒入饌的系列，如花雕肉骨茶，寒天下喝一碗，無比受用。當然，我喜歡的，更有香煎鵝肝配砵酒葡萄燒汁，試問即煎的鵝肝，外微脆內軟又甘香，怎會不好吃呢?
 

強

一直聽說甜品是這兒的強項，筆者在某朋友的生日會上亦嚐過此處的出品，反正就是超級期待。濃郁的朱古力蛋糕，酥脆的葡撻，拿破崙和慕思，仲有麵包布甸，教人回味。
 

食左先講

當然不會錯過雪糕，話知佢外面有多寒冷，食左先算。
 

美好終結

以一杯Latte作結。這裡的自助餐，要推介給大家。

餐廳資料:
Cafe (Hyatt)
尖沙咀河內道18號尖沙咀凱悅酒店大堂樓層
3721 7700